BRUNSWICUM

BRUNSWICUM

Tubisurgium Ptolemaeo, aliis Brunopolis, Saxoniae Metropolis, cuius fere centrum obtinet; civitas est permagna et populosa 2. mill. pass. suô ambitu complectens, una ex 4. Hanseaticarum praecipuis. Tota urbs in plano iacet, moenibus ac follâ duplici profundissimâ, et aliquot in locis triplici, ac quâlibet aquis stagnantibus munitâ. Vallum etiam inter fossas crassissimum habet, ductum per circuitum, vatiis arborum generibus consitum. Libera fere urbs hactenus fuit, sed A. C. 1671. sub Ducum Brunsvicensium iugum redacta est, postquam binis hôc saeculo vicibus frustra tentata fuisset. Inter Erphordiam et Hamburgum, inde 24. hinc 20. leuc. a Magdeburgo in occid. 13. quot a Luneburgo recedens. Hanc Oacer fluv. intersecat, quô obstructô Henricus Dux urbem capturus erat, A. C. 1605. nisi a tempestate agger ruptus disiectusque fuisset. In hac urbe Otto AntiCaesar a Philippo Suevo obsessus, et auxiliaribus superatis, ad fugam in Angliam compulsus est, A. C. 1202. Bugenhagium doctorem habuit, circa A. C. 1522. ut et Martinum Chemnitium, per annos 30. Mortuum A. C. 1586. Hinc Brunsvicensis Ducatus inferioris Saxoniae, inter Episcopatum Halberstadensem, Ducatum Luneburgicum, Westphaliam et Ducatum Grubenhagium. Cuius reliquae urbes Wolfenbutel, sedes Ducum, Helmstadium, ubi Academia, etc. Ducum origo ab Azone Estensi, qui ex Cunegonde, e Welforum familia, suscepit Welfum cognomine Robustum, qui Dux Bavariae post patruum cognominem fuit, eiusque filii Henricus Superbus et Henr. Leo, Duces Bavariae et Saxoniae, A. C. 1179. Otto cognomine infans, Dux Brunsvic. et Luneburgensis, a Friderico II. Imperatore creatus est, A. C. 1240 In Brunsvicensem et Luneburgensem ramos familia divisa, A C. 1372. quorum hic iterum A. C. 1546. in lineam Dannebergicam, nun Wolffembutelanam, et Cellensem: Ille vero ex Henrico, filio iuniore Magni, ortus, in Guelferbytanam et Goetingensem seu Calebergicam, A. C. 1503. divisus est: quâ posteriore A. C. 1584. in Erico, exstinctâ, hereditatem hanc Guelferbytani creverunt, e quibus Fridericus Ulricus superest. In rota hac ditione Lutherana religio viget. Crantz. Crus. Hist. Sax. Germ. l. 1. Cluver. l. 3. Spener, in Sylloge Geneal. longitud. 32. 40. latitud. 52. 40.